(ಸಪ್ತೆಂಬರ್ 6) ಸಂದೇಶ್: ಮರಿಯೆ ಪರಿಂ ಪೆಲ್ಯಾಚಿ ಸೆವಾ ಕರ್ಯಾಂ. ಬಾಳಕ್ ಮರಿಯೆ, ತುಜ್ಯಾ ಜಲ್ಮಾಚ್ಯಾ ಫೆಸ್ತಾಕ್ ಸಂತೊಸಾನ್ ಫುಲಾಂ ಅರ್ಪುನ್ ತಯಾರಾಯ್ ಕರ್ತಾನಾ ಆಮಿ ತುಜಿಂ ಭುರ್ಗಿಂ ತುಕಾ ಮಾನ್ ದಿತಾಂವ್, ತುಜ್ಯೆ ಪರಿಂ ಜಾಂವ್ಕ್ ಆಶೆತಾಂವ್. ಮರಿಯೆ ತುಜೊ ಪೆಲ್ಯಾಕ್ ಕುಮೊಕ್ ಕರ್ಚೊ ಶೆಗುಣ್ ಆಮಿ ತುಜ್ಯಾ ಭುರ್ಗ್ಯಾಂನಿ ದಿಸ್ಪಡ್ತ್ಯಾ ಜಿವಿತಾಂತ್ ಪಾಳುಂಕ್ ಆಮ್ಕಾಂ ತುಜ್ಯೆ ಕುರ್ಪೆನ್ ಭರ್ ಮ್ಹಣ್ ಮಾಗ್ತಾಂವ್.
(ಸಪ್ತೆಂಬರ್ 5) ಸಂದೇಶ್ : ಮರಿಯೆ ಪರಿಂ ವ್ಹಡಿಲಾಂಕ್ ಖಾಲ್ ಜಾವ್ನ್ ಜಿಯೆವ್ಯಾಂ. ಏ ಮೊಗಾಳಿ ಮಾಯೆ, ದೆವಾ ಬಾಪಾನ್ ತುಕಾ ಕುರ್ಪೆನ್ ಭರ್ಲಿ ಆನಿ ತುಂ ಶೆಗುಣಾಂಚೆಂ ಭಂಡಾರ್ ಜಾವ್ನ್ ಪರ್ಜಳ್ಳಿ. ತುಜ್ಯಾ ಪುತಾ ಜೆಜುಚೊ ಖರೆಂ ಪಣಿಂ ಪಾಟ್ಲಾವ್ ಕರುನ್ ದೆವಾ ಬಾಪಾಚ್ಯೆ ಹೊಗ್ಳಿಕೆಕ್ ತುಂ ಪಾತ್ರ್ ಜಾಲಿ. ತುಜ್ಯೆ ಪರಿಂ ಆಮಿಯ್ ಜೆಜುಚ್ಯಾ ಮೆಟಾಂನಿ ಚಲುನ್, ಖಾಲ್ತೆಪಣಾನ್ ಪರ್ಜಳುಂಕ್ ಆನಿ ದೆವಾ ಬಾಪಾ ಥಾವ್ನ್ ಶಾಬಾಸ್ಕಿ ಜೊಡುಂಕ್ ಆಮ್ಚ್ಯೆ ಪಾಸತ್ ತುಜ್ಯಾ ಪುತಾ […]
(ಸಪ್ತೆಂಬರ್ 4) ಸಂದೇಶ್ : ಮರಿಯೆ ಪರಿಂ ನಿಸ್ಕಳ್ ಪಣಾಚಿ ಜಿಣಿ ಜಿಯೆವ್ಯಾಂ. ಮರಿಯೆ ಮಾಯೆ, ತುಂ ನಿಸ್ಕಳ್ಪಣಾಚೊ , ಖಾಲ್ತೆಪಣಾಚೊ ಆನಿ ವಿಸ್ವಾಸಿ ಶಿಸ್ಪಣಾಚೊ ಏಕ್ ಸಂಪೂರ್ಣ್ ನಮುನೊ, ಆಮ್ಚ್ಯೊ ಕುಡಿ ಪವಿತ್ರ್ ಮಂದಿರ್ ಮ್ಹಣ್ ಲೆಕುಂಕ್. ಅಮ್ಚಿ ಲಂಯ್ಗಿಕತಾ ಘನಾನ್ , ಜವಾಬ್ದಾರೆನ್ ಜಿಯೆಂವ್ಕ್ ಆಮ್ಕಾಂ ಕುರ್ಪಾ ದಿ. ಆಮ್ಚ್ಯಾ ಭುರ್ಗ್ಯಾಂಕ್ ಆನಿ ಯುವಜಣಾಂಕ್ ಖರಿ ,ಮಾನಾಚಿ ಆನಿ ಪವಿತ್ರ್ ಜಿಣಿ ರುತಾ ಕರುಂಕ್ ಸಕತ್ ದಿ. ಮರಿಯೆ ಪರಿಂ , ಆಮಿ ಆಮ್ಚ್ಯಾ […]
(ಸಪ್ತೆಂಬರ್ 3) ಸಂದೇಶ್ : ಮರಿಯೆ ಪರಿಂ ಖಳನಾಸ್ತಾನಾ ಮಾಗುಂಕ್ ಶಿಕ್ಯಾಂ. ಮೊಗಾಳಿ ಬಾಳಕ್ ಮರಿಯೆ, ತುಂ ಮಾಗ್ಣ್ಯಾಚ್ಯಾ ಜಿವಿತಾ ಮುಖಾಂತ್ರ್ ಬಾಪಾಕ್ ಭೊವ್ ಮಾನ್ವಲ್ಲಿ ಜಾವ್ನ್ ಜಿಯೆಲಿಯ್. ತುಕಾ ಆಜ್ ಫುಲಾಂ ಅರ್ಪುನ್ ಮಾನ್ ಕರ್ತಾನಾ, ತುಜೆ ಶೆಗುಣ್ ಆಮ್ಚೆ ಕರ್ನ್ ಘೆವ್ನ್ ಜಿಯೆಂವ್ಕ್ ಆಮ್ಕಾಂ ತುಂ ಆಧಾರ್ ದಿ, ತುಜ್ಯೆ ಪರಿಂಚ್ ಜಿಣಿಯೆಚ್ಯಾ ಹರ್ ಘಡಿತಾಂತ್ ಮಾಗ್ಣ್ಯಾನ್ ದೆವಾಚಿ ಖುಶಿ ಆನಿ ಮಾಂಡವಳ್ ಸಮ್ಜುನ್ ಘೆವ್ನ್ ಜಿಯೆಂವ್ಕ್ ಆಮ್ಕಾಂ ತುಂ ಶಿಕಯ್ .
( ಸಪ್ತೆಂಬರ್ 2) ಸಂದೇಶ್: ಕಷ್ಟಾಂ ಆಕಾಂತಾಂತ್ ಮರಿಯೆ ಪರಿಂ ಭಾವಾಡ್ತಾಂತ್ ದೃಢ್ ಜಾವ್ಯಾಂ. ಮರಿಯೆ ಮಾಯೆ, ತುಜೊ ಜಲ್ಮ್, ಸಂಸಾರಾಕ್ ಉಜ್ವಾಡ್ ಹಾಡ್ಚೆಂ ಭರ್ವಶಾಚೆಂ ಕೀರ್ಣ್, ಆಮ್ಚ್ಯಾ ಚಾಲ್ತ್ಯಾ ಜಿವಿತಾಂತ್ ಎಕಾಮೆಕಾಚ್ಯಾ ಗರ್ಜಾಂಕ್ ಪಾವುಂಕ್ ಆನಿ ಭಾವಾಡ್ತಾನ್ ಜಿಯೆಂವ್ಕ್ ತುಂ ಆಮ್ಕಾಂ ನಮುನೊ.ಆಮ್ಚೆಂ ಘರಾಣೆಂ ತುಜ್ಯಾ ಶೆಗುಣಾಂ ಭರ್ಲಲೆಂ ವೋಡ್ತ್ ಜಾಂವ್.
(ಸಪ್ತೆಂಬರ್ 1) ಸಂದೇಶ್: ಮರಿಯೆ ಪರಿಂ ಭರ್ವಶಾಂತ್ ವಾಡುಂಯಾ. ಬಾಳಕ್ ಮರಿಯೆ, ಭರ್ವಶಾಚ್ಯೆ ಶೆಕಾಯೆ ತುಕಾ ಮಾನ್ ಕರುಂಕ್ ಜಮ್ಲಾಲ್ಯಾ ಆಮ್ಕಾಂ ಲ್ಹಾನಾಂಕ್ ವ್ಹಡಾಂಕ್ , ತುಂ ಭರ್ವಶಾನ್ ಭರ್. ಆಮಿ ಫುಲಾಂ ಭೆಟೊವ್ನ್ ಪಾಳ್ಚೆಂ ಭಕ್ತಿಪಣ್ ಆಮ್ಕಾಂ ತುಜ್ಯೆ ಪರಿಂ ಭರ್ವಶಾಂತ್ ಜಿಯೆಂವ್ಕ್ ಆಧಾರಾಚೆಂ ಜಾಂವ್.