*ಆಮ್ಚಿಂ ಆಬೊಲಿಂ *

ಆಜ್ ಬೊಂದೆಲ್ ಚ್ಯಾ ದೇವ್ ತೆಂಪ್ಲಾಂತ್

ಸಾಕಾಳಿಂ ಫುಡೆಚ್ಯಾ ದೊವಾಕ್

ಮುಕ್ಲ್ಯಾ ಬಾಂಕಾನಿಂ ಸೊಭ್ತಾಲಿಂ

ಆಮ್ಚಿಂ ಸೊಭಿತ್ ಸೊಭಿತ್ ಆಬೊಲಿಂ

ಗುಲೊಬಿ-ಧವ್ಶ್ಯಾ ರಂಗಾರ್ ಸಜ್ ಲ್ಲಿಂ

ಪಳೆವ್ನ್ ತಾಂಕಾಂ ಮ್ಹನ್ ಪಿಸ್ವಾಲ್ಲೆಂ

ಚಿಂತಾಂ ದೆವಾಕೀ ಆಜ್ ತಿಂ ಮಾನ್ವಲ್ಲಿಂ

ವಿವಿಧ್ ರುಪಾರ್ ಫುಲ್ ಲ್ಲಿಂ ಆಬೊಲಿಂ

ಆವ್ಹಯ್,ಪತಿಣ್, ಧುವ್ ವ ಭಯ್ಣ್

ಜಿಣ್ಯೆಂತ್ ರಂಗ್ ಭರ್ತಾತ್ ಏಕ್ ಸ್ತ್ರೀ ಜಾವ್ನ್

ಕೋಮಲ್ ಕಾಳ್ಹಿಜ್, ವಿಶಾಲ್ ಮ್ಹನ್

ಸರ್ವ್ ದುಃಖ್ ಲಿಪ್ ಲ್ಲೆಂ, ಹಾಸ್ತೆಂ ವದನ್

ಬಾವಾನಾ ಜಾಂವ್ ಜಿಣ್ಯೆ ಸಾಂಜೆರ್

ಆಬೊಲ್ಯಾಕ್ ಹ್ಯಾ ಸಾಂಭಾಳ್ನ್ ವ್ಹರ್

ಇಲ್ಲೊ ಮೋಗ್ , ಇಲ್ಲಿ ಜತನ್ ಕರ್ಶಿ ತರ್

ಆಬೊಲಿಂ ಹಿಂ ಸೊಭ್ತೆಲಿಂ ತುಜ್ಯಾ ಗಳ್ಯಾ ಭರ್

-ಪ್ರಭಾ ರೇಗೊ.